افكار حلوة تسوينها انتي وصديقاتج...

من طرف **toofy-3** السبت 10 أكتوبر - 18:29

السلام عليكم ورحمه الله وبررركاته

جبت لكم افكااااار حلوة تنفع تسوينها مع صديقاتك او اقاربك او اهلك او اي احد وهي صدقه جاريه (يعني شي ينفع للأخره) الله يطول في اعماركم في الخيير

والفكرة هي / انك تشترين صندوق صغير اسمه صندوق (الخميس) طبعا تتفقين مع صديقاتك لو كانو 10 مثلا ان يحطون في بيوتهم عن كل يوم من ايام الاسبوع من الاحد الى الخميس اي شي مثلا ربع او نص او دينار (قدر الاستطاعه) واذا جاء يوم الخميس يعطونج المبلغ الي جمعوه طول الاسبوع ويحطونه في الصندوق وفي نهايه كل شهر تفتحون الصندوق وتلاقون المبلغ الي جمعتوه واااااااااااو خاصه اذا كانوا صديقاتك واااااجد او اهلك كثييير المهم انكم تسوون في المبلغ الي جمعتوه احد هذه الافكار:

* الفكرة الاولى: تتفقين يوم مع صديقاتك وتروحون دار العجزة وتشترين بالمبلغ الي جمعتوه بعض الاشياء مثل دونات او معجنات او اي شي وتاكلون مع الامهات وتسولفون معهم (يعني تدخلون السرور على قلب الامهات)

* الفكرة الثانية:نشتري العاب نغلفها وتروحين مع صديقاتك دار الايتام وتوزعونها على الاطفال ..(بتشوفين فرحه الاطفال كيف)

* الفكرة الثالثه:نشتري سجدات صلاه صغييرة (الي تنحط بالشنطه) وتوزعينها (تاخذين اجر كل وحده تصلي بأذن الله)

*الفكرة الرابعه: نشتري بالمبلغ كرسي متحرك ونرسله الى معاق او مستشفى معاقين او للي مايقدرونيشترونه (وفي كل مرة يستخدم هذا الكرسي سوف تكسب انت حسناات بأذن الله)

*الفكرة الخامسه:تشترين بالمبلغ الي جمعتوه اياام البرد بطانيات لناس ماعندهم بطانيات او دفايه (المدفئه)

الفكرة السادس: تشترين اكل مثلا (لوزين او فطيرة + عصير او مويا ) وتوزعينها على عمال المباني (الي يشتغلون في الشموووس مساكين) او رجال البلديه

الفكرة السابعه : انكم تشترون مصاحف وتحطونها بالمسجد واي احد يقرا فيه انشالله لكم حسنات بكل حرف بأذن الله ..

وبس سلاااااااااامتكم

جزاج الله خير...

الله يعينا دوم على فعل الخير...

لان "الصدقة تطفئ غضب الرب"

والصدقة تردع عنج وعن عيالج المصائب...

عسى الله يبعد عنا وعنكم كل مكروه ....آآآآمييييين

من طرف **toofy-3** السبت 10 أكتوبر - 19:15

امين رب العالمين.....

لازم الواحد يفكر يسوي شيء للاخره قبل الدنيا وبصراحة فكرة ربع ونص دينار بالنسبة لنا ولا شيء نصرف على اتف الاسباب وبس بالنسبة للناس المحتاجة ايسوي لهم اشياء وايد احنا مانعرفها Very Happy

وانا عني نفسي بطبق هل الفكرة وراح ابديها مع خواتي وعيالي عشان يتعلمون دفع صدقات من صغرهم عشان لما يكبرون ماتصير ثقيل عليهم .....

جزاج الله خير""توفي""...

وجعله الله في ميزان حسناتج..وبارك لج في رزقج واولادج....

آمييييييييييييييين....

من طرف **fayrooza** الأحد 11 أكتوبر - 18:25

يزاج الله الف خير

صج خوووش افكاار

يسلموو حبيبتي Smile

من طرف meezoo الثلاثاء 13 أكتوبر - 4:17

جزاج الله خير
وانشاءالله يجعلها في ميزان حسناتج

افكاااار واااايد حلوه

فعلا الانسان بعز انشغاله بهالدنيا

يلقى شغلات بسيطه ماتاخذ وقت ولا مجهود

لكنها عند الله كبيره

ويكسب من وراها اجر

ومثل ماقالت مهوويه ان الصدقة تطفئ غضب الرب

جعله الله في ميزان حسناتك