~*¤ô§ô¤*.اذا زهقتي.*¤ô§ô¤*~

اذا زهقتي

1-مسكي التلفون وكلمي صديقة من زمااان ماكلمتيها.. واسترجعوا ذكرياتكم مع بعض و.. منها راح تمشين وقتج ومنها راح تجددون علاقتكم ومنها تشغلين التلفون 12 ساعة

2-طلعي الحوش ولا السطح وفرشيلج فرشة وانسدحي على ظهرج وتاملي النجوم واسترخييييييي وتاملي؟! ؟! ؟

3- قصي اطراف شعرج..كل مازهقتي روحي عند المراية وقصي الاطراف(بس شوي شوي منها) بس انتبهوا لاتصلعون

4- مسكوا المسجل.ودوروا فيه بالبيت وسجلوا اصوات العايلة وهم يسولفون وسجلوا صوت شخير الوالد وسجلوا صوت الهوشات وكل شيء..

5-روحوا السوبر ماركت ومسكوا العربانة ودوروا فيها وصقعوا بخلق الله وقولوا : اووه آسفة مادريت

6- مسكي ريموت كونترول وحذفي كل المحطات من الرسيفر و رجعي حطيهم من يديد ( هذا ويهي اذا رجعتي منهم شي)

7- تحدوا نفسكم تقعدون نص ساعة كاملة بدون ماتتكلمون مع اي احد او تفتحون حلجكم.. نص ساعة طبعا بوجود الجميع ( مااحد يقدر يسويها)

8- مسكي فوطه وفجي الشبابيك ونظفيهم

9- سوي عصير برتقال وشربيه ؟؟؟

10 سوي دويتو مع اخوج الصغير وسجليه بالمسجل ورجوا سمعوه نوع من الوناسه

11- اقروا مجلة يهال ( حبايبنا)

12-لبسي ملابس ريال دشداشه وغترة وخرعوا اهلكم !!

13-نسيتها

14- فتحي نوتة التلفونات وختاري ارقام من العايلة ودقي عليهم وسوي حركة صلة رحم..

15- نظفوا ماسنجركم... سووا ديليت للناس اللي من زمان عنهم مادخلوا.. وبلوك للناس الثقيلين الدم

16- روحوا مواقع بطاقات وكاردات وارسلوا لصديقاتكم ..لاتنسوني منها

17- الفي مسجات للفون ونكت مسنجر.. اخذي مجلات فواصل وديوان خالد الفيصل وطلعي منه ابيات شعر تصلح نكت للمسنجر وكتبيها بورقة..

18-دخلي غرفتج وحطي مكياج كاامل جنج رايحة عرس ولطخي ويهج تلطخ وتصوري ..حركة صح؟

19- مسكي دفتر تلوين اطفال وقعدي لوني ...

20-اذا زهقتي فتحي دولاب ملابسج وقعدي قيسي ملابسج لبسه ورا الثانية< يمكن ييي الصبح ماخلصتي من كثرهم

21- روحي المطبخ سوي كيكة (هذا ويهي اذا احد اكلها)

22-سوي ايميل يديد وقعدي لعبي على اللي تعرفينهم ..

23- تعلموا لغة غريبة.. مثلا كلمات معنية باحد اللغات وقعدوا كشخوا فيهم وتفلسفوا فيهم

24- ركبي السيارة وهي داخل البيت وجنج تسوقين

25-طلعي ونزلي الدرج عشرين مرة منها تتمشين ومنها تضعفبن< ذبحتكم القعدة والفضاوه

26- قعدي على الكومبيوتر وحوسيه مثل العادة ...

27-طلعي الحوش.. وصيديلج حشرة لطيفة ( عنكبوتة مثلا ) وحطيها بعلبة وقعدي راقبيها.. بس لا تخلونها وقت طويل عشان ماتتعذب < والله من العطف عندنا يالبنات

28-اخذي مجلات قديمة وقعدي قصقصي صور ولزقيها بلوحة (بتطلع المواااااهب)

29- طلعوا حوشكم .. ولعبي كرة. . وكسري ليتات البيت ..

30-فصفصي..واذا مالج خلق..نامــــــــــي..

منقول من الايميل Smile