اللي زوجها رافع ضغطها تدخل؟؟؟؟

من طرف **toofy-3** السبت 10 أكتوبر - 1:25

هذا الموضوع هام لجميع الزوجات وخصوصا اللي يبون يرفعون ضغط أزوجهم لان أزواجهم اصلا رافعين ضغطهم ...

1- عزيزتي الزوجة إذا قمتي الصباح حاولي انك تزعجينه بأي طريقه ممكنه اذا كان عندك مكنسه كهربائيه لاتقصرين في النظافه ...

2- !ذا صرخ وقال( طفئ المكنسة) .. صرخي وقولي ( ماأسمعك وش تقوول أرفع صوتك ) واذا عصب قوليله يعني ماانظف الغرفة...

3- إذا قام يغسل وشفتية يحلق .. أقطعي المويه

4- إذا طلب الفطوور .. قولي ( اوووه نسينا نجيب خبز !!!!)

5- إذا جاء يلبس ومالقى ثوب نظيف .. قولي له الغساله خربانه من أمس وهدومك كلها وصخه

6- إذا قالك اليوم بتأخر لأن عندي إجتماع مهم .. قولي له ( انزين من بيوصلني الدوام سيارتي خربانه اليوم ؟؟)

7- أذا قالك ماقدر اوصلك لان الاجتماع مهم قولي له اللي تشوفه ياحبيبي وأبتسمي ابتسامه عريضه ...

8- لما تتأكدي أن الاجتماع بدأ .. لاتقصرين في الاتصالات على المكتب وعلى الموبايل

9-إذا دخل البيت وهو تعبان وطفشان وزهقان ... خليه يلاقك في أحلى شكل وأحلى زينه وأحلى لبس (وقولي له معليش ياحبيبي أن معزومه :cool

10- إذا جيتي من برا ولقيته قاعد يتابع مباراه مهمه .. خذي الريموت وقولي يوووه المسلسل اللي اتابعه لي شهر اليوم الحلقه الاخير ...!!

11- إذا حاول يأخذ كاس من المطبخ وأنكسر قولي له... يالله ماتشووف زين؟؟
ملاحظه:- انتبهي تقولين له بسم الله عليك عسى ماجرحك الكأس

12-إذا قعدتوا تتفرجوا على التلفزيون وشفتوا راغب علامه .. قولي لنفسك وبصوت عالي ( ياشين الاستعجال )

13-إذا جاء وقت النوم وكان يبي يسولف وياك.. قول له( أنا عندي دوام بكره وتعبانه)

14- إذا اصر وقام يسولف قولي له( يووووه هالسالفه عدتها اكثر من مره)

15- إذا حصل وأبتسم في وجهك لأي سبب ..قولي له( بسم الله عليك وش فيك فاك خشتك أنت ويا وجهك)

تحياتي لكل زوجه ولكل زوج ..

ملاحظة::

حبيتي لاتصدقيني ترى اتغشمر واذا حبيت تجربين ترى انا مالي شغل فيج لالا تقولين هذي من نصايح توفي Very Happy