معكرونية بالجبنة والكريمة حدها لذيذه

شلونكم؟؟

شخباركم؟؟

اليوم يبت لكم طبخة شكلها عجييييبة

بصراحة انا ما سويتها بس انشالله اذا دشيت المطبخ اسويها

اخليكم مع المقادير



معكرونة كيس كامل - خضار مشكلة مجمدة ( بزاليا مع جزر وذرة ) - علبة صغيرة مشروم مقطع - ملفوف مقطع وبقدونس - بصل مع صنوبر - شوية بهارات وملح على ذوقكم

للوجه :

علبة قيمر kdd + نص علبة كريمة سائلة - قلاص جبن كرافت صغير + جبن موزاريلا




الطريقة :

نطبخ المعكرونة مع الخضار المثلجة بماي وملح وشوية زيت بعدين نشخلهم بالمشخال







نحمس البصل مع الصنوبر بدهن مع البهارات بعدين نضيف الملفوف والفطر والبقدونس




نضيف عليهم المعكرونة ونقلبهم مع بعض بعدين نحطهم في البايركس



نخلط الجبن مع القيمر والكريمه ونحطة فوق المعكرونة



بعدين نحط شرايح الجبن والموزاريلا آخر شي ونحطهم بالفرن لما تستوي

وهذا شكلها النهائي



وسلامتكم

وبالهنا والشفا

نورتو مطبخي فيروزة وبحورة

وعليكم بالعافية مقدما

يم يمي
عاد حدي يوعانه
صج شكلها لذيذه
يسلمو

الله يسلمج حبوبة